Obradoiro sobre a importancia dos procesos madurativos de 0 a 3 anos
29 Maio de 2017 / 18:00 h.
O Pazo da Peregrina de Bertamiráns acolle a realización do obradoiro “A importancia dos procesos madurativos de 0 a 3 anos”, que impartirá a psicomotricisa e psicóloga Itos Lorenzo. Trátase dun achegamento práctico e reflexivo aos procesos madurativos que se dan de 0 a 3 anos e que marcarán a personalidade futura, cunha ollada diferente ao corpo e á expresividade motriz.
A actividade está dirixida a nais e pais con nenos/as de 0 a 3 anos e familias que estean agardando un bebé. Ofértanse 40 prazas e requírese inscrición previa, que se poderá facer do 12 ao 24 de maio.
Compartir
