Celebración do Día do usuario e usuaria das bibliotecas
11 Xaneiro de 2018 / 12:00 h.
Con motivo do Día do usuario e usuaria das bibliotecas, convidamos ás lectoras e lectores a participar nas actividades conmemorativas previstas:
• Nomeamento de Socios/as de Honra, que recaerá nos tres usuarios/as infantís e nos tres adultos/as con máis préstamos durante o ano 2017. Ao longo do 2018 estes “superlectores” poderán retirar en préstamo un maior número de obras:
– Socio/a de Honra Adulto: ata 25 exemplares para escoller entre 10 libros prestables de adultos, 10 libros prestables infantís, 15 materiais especiais (música, películas, xogos de ordenador e de videoconsola) e 6 publicacións periódicas prestables.
– Socio/a de Honra Infantil: ata 20 exemplares para escoller entre 10 libros prestables infantís, 15 materiais especiais e 6 publicacións periódicas prestables.
A condición de Socio/a de Honra terá unha duración dun ano, ata o vindeiro Día do usuario e usuaria o 11 de xaneiro de 2019.
• Incremento do número de obras que se poden levar en préstamo durante o Día do usuario e usuaria para todos os lectores e lectoras que se acheguen á Biblioteca Pública de Santiago a celebrar esta conmemoración.
– Adultos/as: ata 25 exemplares para escoller entre 10 libros prestables de adultos, 10 libros prestables infantís, 15 materiais especiais (música, películas, xogos de ordenador e de videoconsola) e 6 publicacións periódicas prestables.
– Público infantil: ata 20 exemplares para escoller entre 10 libros prestables infantís, 15 materiais especiais e 6 publicacións periódicas prestables.
Todos/as os usuarios e usuarias poderán solicitar ese día 2 obras en préstamo intrabibliotecario.
• Visita guiada ás 12.00h aberta a todo o público que desexe coñecer os servizos, espazos e coleccións que ofrece a Biblioteca Pública de Santiago
