“A Familia do Vurdalak” coa Banda Municipal de Música de Santiago e Paula Carballeira

Samaín segue sendo o mes do escuro, do medo, do sangue e do susto. Casiano Mouriño Maquieira ao fronte dá Banda Municipal e Paula Carballeira como narradora serán os encargados de contarnos unha historia arrepiante que nos trasladará a Serbia, na que un viaxeiro francés pide aloxamento na casa dunha familia que agardan a volta do avó, temendo que se convertise nun “vurdalak” ou morto vivinte que precisa beber da sangue dos seus. O ambiente de misterio e intriga, a emoción e a habilidade estilística fan deste relato un recoñecido precedente do que despois se convertería nunha prolífica literatura sobre a cara oculta da realidade.

A familia do vurdalak (Sem’ya Vurdalaka) (1839)

Conto de vampiros escrito en 1839 por Alexei Tolstoi, antes da publicación do famoso Drácula de Bram Stoker, parte da estrutura dunha lenda popular para crear unha historia de terror coas características propias do xénero.

Acceso libre ata completar aforo

Compartir