Cargando Eventos

« Volver ao calendario

  • Este evento xa pasou.

Os Bolechas e o amigo Monte chegan a Teo

23 de Xuño / 12:00 h.

O Concello de Teo, como entidade pertencente á Rede de Dinamización Lingüística, convídate este sábado 23 de xuño, ás 12 h no Auditorio Constante Liste, a unha nova e divertida aventura dos Bolechas, que servirá, ademais de para pasalo ben, para mostrarlles aos máis pequenos a importancia de coidarmos o monte e a maneira de facelo, iniciándoos na prevención dos incendios forestais.

 

O obxectivo é fomentar, canda a educación ecolóxica dos cativos e cativas, a súa participación en galego na resolución do conflito proposto no guión. Para iso, Os Bolechas solicitarán a intervención do público en probas de habilidade axeitadas para rapaces de 3 a 9 anos e establecerán un diálogo cos nenos e nenas acerca do monte, da súa fauna e da súa flora.

 

Para que a actividade de dinamización lingüística teña continuidade máis alá do día do espectáculo, os e as asistentes a el obterán unha palabra clave que lles permitirá acceder ao web www.osbolechas.gal/amigomonte/, onde atoparán diversos contidos (xogos, diplomas, unidades didácticas…) e poderán participar en sorteos de lotes de libros.

A entrada ao espectáculo será libre ata completar o aforo por orde de chegada á sala.

CompartirShare on FacebookShare on Google+Tweet about this on Twitter

Detalles

Data:
23 de Xuño
Hora:
12:00 h.
Sitio web:
https://www.teo.gal/gl/actualidade/2018/os-bolechas-e-o-amigo-monte-chegan-teo

Lugar

Auditorio Constante Liste Ramallosa
Rúa da Lagoa, 2, AA
Lucí, Ramallosa, Teo, A Coruña 15883 Spain
+ Google Map
Teléfono:
981 81 57 00
Sitio web:
http://www.teo.gal/