Cargando Eventos

« Volver ao calendario

  • Este evento xa pasou.

MARUJA MALLO UNHA VIAXE ESPACIAL. TALLERES PARA PERSOAS CON TRASTORNO DO ESPECTRO AUTISTA.

29 Marzo de 2017 / 11:00 h.

HORARIO:

11h: para nenos e nenas conTEA
12.30 h: para adultos con TEA

Con motivo do Día Internacional de Concienciación do Autismo (2 de abril) e do Día das Artes Galegas (1 de abril), o CGAC programa varios talleres en colaboración con Aspanaes (Asociación de Pais dePersoas con Trastorno do Espectro Autista).

Os talleres estarán destinados a persoas afectadas por trastornos do espectro autista (TEA) e xirarán arredor da figura de Maruja Mallo, artista coa que o CGAC abriu as súas portas en 1993 e a quen esteano a Real Academia Galega de Belas Artes lle dedica o seu día. O colectivo taller abierto propón unha actividade didáctica e lúdica sobre a artista galega adaptada ás necesidades especiais daspersoas con TEA.

Os participantes observarán, por unha banda, os procesos compositivos de fundamento xeométrico das pezas de Maruja Mallo e, por outra, temáticas recorrentes na súa obra coma o baleiro e o infinito do universo, que aborda especialmente na serie Viajeros del éter (Viaxeiros do éter), tamén coñecida como Los moradores del vacío (Os moradores do baleiro).

Realizarase un sinxelo percorrido polas diversas etapas desta artista de vangarda: o futurismo, o realismo máxico, o seu particularsurrealismo e o formalismo característico das últimas obras.
Esta viaxe polo universo de Maruja Mallo abordarase a partir de tarefas gráfico-plásticas.

Levarase a cabo un firmamento colectivo no que se elaborarán figuras e fondo para explicitar as nocións de corpo e espazo e a creación de concepcións obxectuais propias, que xurdirán como artefactos e naves espaciais a través da xustaposición de formasxeométricas, partindo da deconstrución do repertorio formal da autora.

Folleto da actividade

Taller abierto
É un colectivo que traballa en educación artístico-plástica xerando e impartindo proxectos didácticos de arte e arquitectura. O equipo está conformado por persoas do mundo da arte, da
arquitectura, da educación e das ciencias sociais. Nos seus proxectos pretenden ensinar a mirar con novos ollos aquilo sobre o que non reparamos, a forza de velo con ollos indiferentes. Cren que con eles máis abertos poderemos gozar máis do que temos, nun tempo no que satisfacer o desexo constante de novidades se volveu imposible.
Máis información: www.tallerabierto.info

– See more at: http://cgac.xunta.gal/GL/actividad-detalle/141/maruja_mallo_talleres_trastorno_autista_GAL#sthash.tS3ID1V2.dpuf

CompartirShare on FacebookShare on Google+Tweet about this on Twitter

Detalles

Data:
29 Marzo de 2017
Hora:
11:00 h.
Sitio web:
http://cgac.xunta.gal/GL/actividad-detalle/141/maruja_mallo_talleres_trastorno_autista_GAL

Lugar

CGAC
Rúa Valle Inclán, 2
Santiago de Compostela, A Coruña 15703 Spain
+ Google Map
Teléfono:
981 54 66 19
Sitio web:
http://cgac.xunta.gal